Prokuroria e Elbasanit ka shpallur moskopetencën dhe ka dorëzuar në SPAK dosjen e Nuredin Dumanit.
Hetuesit kanë ngritur akuzën e grupit të strukturuar kriminal, ndaj dosja është dërguar në SPAK.
Gjykata ka dhënë masën e sigurisë arrest me burg për Nuredin Dumanin pasi ai u arrestua në qytetin e Fierit, pas shkëmbimit të zjarrit në qytetin e Elbasanit.
Ai mbeti i plagosur me një plumb në mushkëri. Dumani u arrestua në një banesë të marrë me qira në qytetin e Fierit, sapo ai ishte mjekuar nga dy mjekë.
Së bashku me Dumanin, për këtë ngjarje, policia vuri në pranga edhe 5 persona të tjerë, mes të cilëve edhe dy mjekë dhe një infermier, të cilët i dhanë ndihmën mjekësore, por nuk njoftuan policinë.
