Pallati “Albania’ ndër më të lartit në Beograd që është ndërtuar në vitin 1939 ka dalë në shitje. Mediat serbe bëjnë me dije se 381 metra katrorë e pallatit, e vlerësuar rreth 3,88 milionë euro, është tashmë në shitje.
Duke pasur parasysh se ndërtesa e Pallatit “Albania” është e bankës së falimentuar të Beogradit, kjo ndikon në shitjen.
Administratori i falimentimit Mijo Stanarçeviq shpjegon se bëhet fjalë për një shitje në masën 50 për qind të vlerës së parashikuar, e cila është specifike në raport me shitjen në tregun e lirë dhe që është shumë tërheqëse për blerësit potencial.
Ndonëse godina e Pallatit “Albania” është shpallur pasuri kulturore në vitin 1984, ajo mund të vihet në funksion.
Por në këtë rast pronari i pasurisë së paluajtshme duhet që fillimisht t’ia ofrojë objektin Institutit të Mbrojtjes së Monumenteve me të njëjtin çmim tregu si blerësit e tjerë, të cilët mund të jenë persona juridikë dhe fizikë, vendas dhe të huaj.
Pallati Albania ka gjithsej 17 kate, 4 prej të cilave janë kate të nëndheshme. Pallati është 53 metra i gjatë dhe e gjithë ndërtesa ka një hapësirë prej 8000 m2.
Çfarë parashikon ligji i ri
Sipas draftit të ligjit të ri për falimentimin, i cili duhet të miratohet këtë vit, në të ardhmen shitje të tilla do të kryhen në portalin e Agjencisë për Licencimin e Administratorëve të Falimentimit.
Kjo duhet t’i pengojë blerësit potencial që të bien dakord për çmimin para shitjes së patundshmërisë, sepse as që do të dihet se kush janë blerësit.
