Policia e Shkodrës ka identifikuar plagosjen autorin e plagosjes se 28 vjeçarit Edis Reçaj.
Pas përshkrimit të ngjarjes nga Reçaj, si dhe pamjeve të siguruara nga kamerat e sigurisë polica ka identifikuar autorin.
Mësohet se autori dhe i plagosurit kanë qenë në një automjet kur është plagosur në këmbë.
Nga burime policore bëjnë me dije se pasi e ka plagosur në këmbë (në gjurin e majtë) , i dëmtuari ka dalë nga mjeti dhe ka qenë vëllai i 28 vjeçarit që e ka çuar në spital.
Dëshmia e Edis Reçaj
Një person me kapuç të zi në kokë më erdhi nga pas dhe më ka plagosur në këmbë dhe është larguar me shpejtësi. Nuk e kam idenë se kush është autori që më plagosi. Nuk kam patur konflikte apo probleme me ndonjë person ndaj edhe nuk e di arsyen e kësaj ngjarje”, deklaroi nga spitalit i plagosuri.
Pavarësisht kësaj dëshmie policia e Shkodrës ka dyshime se Reçaj është në dijeni të autorit të plagosjes, por nuk ka dhënë asnjë emër për faktin se ka dyshime se autori është një i njohur i 28-vjeçarit. I plagosuri ndodhej në trotuar bashkë me 3-4 persona të tjerë dhe dyshohet se njëri prej tyre në debat e sipër, në një konflikt të çastit e ka plagosur Reçajn.
Policia ka dyshime se autori mund të jetë njëri prej personave me të cilët ndodhej por nuk është përcaktuar ende se cili prej tyre.
Policia ka sekuestruar kamerat e sigurisë të subjekteve aty afër por kamerat e subjekteve nuk e kanë kapur këtë ngjarje. E vetmja kamer që pritet të këqyret është ajo e vendosur nga bashkia Shkodër, por që është në një largësi të konsiderueshme dhe është e vështirë të identifikohet autori përmes saj duke patur parasysh edhe errësirën. Gjithsesi përmes kësaj kamera policia mund të shohë dinamikën e plagosjes së 28-vjeçarit Edis Reçaj. I plagosuri është nipi i shtetasit Edmir Alija, i cili u vra në vitin 2014 në Shkodër bashkë me shtetasin Edmond Batri ndërsa mbeti i plagosur një person tjetër.
