Fatmir Gjeka nga Ulqini, do të jetë ministër për të Drejtat e Njeriut dhe Popujve Pakicë në Qeverinë e Malit të Zi të drejtuar nga kryeministri në ardhje Dritan Abazoviç.
Ndërsa, Marash Dukaj nga Tuzi, pritet të drejtojë Ministrinë e Administratës Publike.
Kështu ka njoftuar gazetari Besim Toska, i afërt me qarqet politike shqiptare në Mal të Zi.
Qeveria e re malazeze pritet të jetë për herë të parë me një kryeministër shqiptar.
Dritan Abazoviç e ka gati platformën e tij qeverisëse e cila pritet të votohet shumë shpejt në parlamentin e Malit të Zi.
