Disa muaj më parë, dërgimi i tankeve gjermane në një zonë lufte do të kishte çuar në zemërim publik. Sot, kancelari gjerman Olaf Scholz është nën sulm të ashpër, sepse ai duket se nuk dëshiron ta bëjë këtë.
Rreth 55% e gjermanëve thonë se duan që armë të rënda, si tanke, të dërgohen në Ukrainë, me 37% kundër.
Politikanët e Gjelbër dhe FDP në qeverinë e tij, si dhe kundërshtarët konservatorë, akuzojnë kancelarin e qendrës së majtë SPD Scholz për frenimin e dërgesave të armëve.
Berlini ka dorëzuar më pak armë se Mbretëria e Bashkuar dhe SHBA, dhe ishte më i ngadalshëm për t’u përgjigjur. Por Gjermania nuk është aq e jashtzakonshme në krahasim me vendet e tjera të Evropës Perëndimore dhe zotohet të rrisë ritmin, duke përfshirë edhe armatimin e rëndë.
Sllovenia tani do të dërgojë tanke të epokës sovjetike në Ukrainë – të cilat ushtarët ukrainas mund t’i përdorin dhe mund të përdoren menjëherë. Në këmbim, Berlini do t’i japë Sllovenisë tanke të prodhimit gjerman, të cilët kanë nevojë për trajnim.
Gjermania gjithashtu do të trajnojë ushtarët ukrainas për të përdorur sisteme të prodhuara nga Gjermania. Dhe Berlini do t’i japë Kievit një miliard euro për të blerë armë.
Argumenti i kancelares se Ukraina ka nevojë për tanke që mund të përdoren menjëherë është i arsyeshëm. Dhe për shkak të investimeve të ulëta të mbrojtjes prej dekadash, Gjermania në fakt nuk ka aq shumë për të dhënë.
Kancelari Scholz nuk i përket atij krahu tradicionalisht të butë ndaj Moskës të partisë së tij.
Por mund të jetë gjithashtu se ai është nervoz për të humbur mbështetjen e atyre anëtarëve të partisë SPD që ende besojnë se dërgimi i shumë armëve në Ukrainë do të thotë përshkallëzim i luftës.
