Policia italiane ka vënë në pranga një 20-vjeçar shqiptar, i cili është kapur me një sasi të vogël kokaine, ndërsa dyshohet se shpërndante drogë.
Ai është kapur me 21 gramë kokainë, të cilën e kishte fshehur në çorape kur policia kreu një kontroll në banesën e tij.
Sipas raportimeve të mediave, ai kishte mbërritur në Pesaro të Italisë pak muaj më parë. Përmes hetimeve, autoritetet kanë zbuluar se 20-vjeçari ishte regjistruar si azil kërkues.
Që prej mbërritjes në Itali, dyshohet se 20-vjeçari kishte nisur të merrej me trafikun e drogës, ku shpërndante kokainë. 20-vjeçarit i janë sekuestruar edhe para, të cilat i kishte përfituar nga shitja e drogës, por shuma ende nuk bëhet me dije.
