Komisioneri i Bashkimit Evropian për Zgjerimin, Oliver Varhelyi do të vizitojë edhe Shqipërinë në kuadër të turit të takimeve në Ballkan.
Në agjendën e tij zyrtare të publikuar për mediat, bëhet me dije se ai do t’i zhvillojë këto takime nga data 25 deri më 28 prill. Tirana, Zagrebi, Shkupi dhe Sofje do të jenë vendet që Varhelyi do zhvillojë takime dypalëshe dhe do të flasë në samitin BE-Ballkan në Sofje.
Më 25 shkurt Varhelyi njoftoi zbatimin e paketës së parë të Planit Ekonomik për vendet e Ballkanit Perëndimor.
“Ne po lançojmë sot paketën e parë thelbësore sipas planit ambicioz ekonomik dhe investues të BE-së prej 30 miliardë eurosh për Ballkanin Perëndimor”, tha Varhelyi në median sociale Twitter.
