Shqipëria është vendi i çudirave i mbushur me makina luksi e te shpejta. Këtë gjë e vërteton më së miri edhe rasti i fundit që ka ndodhur në kryeqytet.
Në Tiranë një pronar i një makine luksoze Lamborghini është gjobitur nga policia me 40 mijë lekë pasi nuk kishte paguar siguracionin e mjetit. Papërgjegjshmëria arrin deri aty sa të blesh një makinë qindra milionë dhe të mos denjosh t’i paguash një siguracion rreth 200 euro.
Në fletën e gjobës policia, gjithashtu, thekson se mjeti kishte xhama të zinj pa certifikatë si dhe targën e përparme jo në vendin e duhur.
