Në seancën e Kuvendit që do të mbahet në 28 prill do të zgjidhet ndër të tjera edhe qeveria e re e Malit të Zi. Nëse Abazoviç zgjidhet Kryeministër i vendit, ai do të jetë kryeministri i tretë shqiptar në rajon pas Edi Ramës dhe Albin Kurtit.
I mandatuari për kryeministër në Malin e Zi, Dritan Abazoviç tashmë ka dorëzuar në Kuvend programin e qeverisë së 43-të të vendit.
Abazoviç thekson në programin e tij se qeveria e re do të bazohet në dy shtylla kryesore, shtetin e së drejtës dhe zhvillimin ekonomik. Kjo qeveri e re do të ketë 18 ministra, si dhe dy ministra pa portofol.
