Presidenti amerikan, Joe Biden, i ka kërkuar Kongresit të miratojë një fond prej 20 miliardë dollarë ndihmë ushtarake për Ukrainën.
Kjo shifër do të rrisë ndjeshëm kontributin e SHBA-së në betejën kundër pushtimit rus.
Biden do të kërkojë gjithashtu 8.5 miliardë dollarë ndihmë ekonomike për Kievin dhe 3 miliardë dollarë ndihmë humanitare, si dhe fonde të tjera për të ndihmuar në rritjen e prodhimit amerikan të kulturave ushqimore dhe mineraleve strategjike për të kompensuar ndikimin e luftës në Ukrainë në furnizimet globale.
Kërkesa totale për shpenzime shtesë arrin në 33 miliardë dollarë. Kërkesa e fundit shtesë e miratuar nga Kongresi në mars ishte 13.6 miliardë dollarë.
