Policia britanike ka vënë në pranga një 23-vjeçar shqiptar, i cili është kapur duke transportuar një sasi kanabisi në një furgon.
Gjithçka ishte organizuar në mënyrë perfekte, veç faktin se 23-vjeçari shqiptar, i identifikuar nga mediat britanike si Andrea Shani, u nxitua dhe shkeli rregullat e qarkullimit rrugor.
Ai ka qenë duke ecur kundërvajtje, ndërkohë që në momentin që policia i ka bërë sinjal për të ndaluar, Shani ka braktisur furgonin dhe ka tentuar të arratiset, por pa sukses, pasi ai u kap në urën e famshme “Humber”.
Shqiptari pranoi se fugoni ishte i tij bashkë me ngarkesën e kanabisit brenda tij, por sipas autoriteteve angleze, 23-vjeçari po bënte thjesht transportin e drogës. Shani u dënua me një vit burg, por për shkak të kohës së kaluar në paraburgim, ka mundësi që të lihet i lirë dhe më pas të niset drejt Shqipërisë.
