Qytetarët gjermanë duhet të furniuzohen me ushqime, lëngje dhe të lëndëve të para në shtëpitë e tyre, këshillon Sekretarja e Brendshme Nancy Fezer në një intervistë për Handelsblatt në kontekstin e një diskutimi më të gjerë mbi luftën në Ukrainë.
“Ne duhet të jemi të përgatitur për t’u përballur me kriza të shumta: pandemitë, efektet e ndryshimeve klimatike, rreziqet e luftës” tha ajo.
Për këto arsye, sipas saj, është e rëndësishme që vendi dhe qytetarët të përgatiten në shumë nivele, jo vetëm materialisht, por edhe duke krijuar stoqe ushqimesh apo furnizimesh mjekësore.
Në rastin e sulmeve kibernetike që mund të shkatërrojnë infrastrukturën bazë të furnizimit me ujë dhe energji elektrike, ministrja gjermane i referon qytetarët në rekomandimet e Shërbimit Federal të Mbrojtjes Civile.
Lista e detajuar për organizimin e furnizimeve të shtëpisë
Rekomandimet e shërbimit kompetent përfshijnë, ndër të tjera, një listë të detajuar të furnizimeve bazë që të gjithë qytetarët duhet të kenë në shtëpi në rast emergjence. Këto furnizime në parim janë të mjaftueshme për dhjetë ditë në shtëpi, pa pasur nevojë për blerje shtesë.
Furnizimet e nevojshme për një person konsiderohen, sipas shërbimit gjerman, si më poshtë: 20 litra ujë dhe lëngje, 3.5 kg në drithëra, bukë, patate, oriz dhe makarona, por edhe 1.5 kg mish, peshk dhe vezë.
Rekomandimet përfshijnë gjithashtu udhëzime për ruajtjen e duhur të ushqimit, informacion bazë për atë që trupi i njeriut ka nevojë për çdo ditë në lëndë ushqyese, por edhe informacion specifik për plotësimin e nevojave jetike të kafshëve shtëpiake.
Sigurisht që Mbrojtja Civile rekomandon shmangien e panikut por edhe krijimin e këtyre stoqeve gradualisht dhe jo me blerje me shumicë. Qëllimi është që të mos ketë -përsëri- rafte bosh nëpër supermarkete dhe mungesa në furnitorë.
Ministrja shtoi se duhet të kontrollohet se çfarë masash mbrojtëse janë të nevojshme. “Kjo nuk prek vetëm çështjet teknike, por edhe furnizimet për ushqim, ilaçe apo furnizime mjekësore”, tha ajo.
Duke folur më konkretisht, ajo vuri në dukje se “nëse rryma ndërpritet për një periudhë më të gjatë kohore, është padyshim e dobishme që të ketë një furnizim emergjent në shtëpi”.
Në të njëjtën kohë, ajo zbuloi se po bëhet një inventar i strehimoreve të vendit. “Në Gjermani ka ende 599 strehimore”, tha ajo. Gjermania po bëhet gati për më të keqen.
