Tritan Shehu, nga Komisioni i Rithemelimit, u shpreh në “5 pyetjet nga Babaramo” se tashmë ka vetëm një Parti Demokratike, e cila është ajo e Kuvendit të së shtunës.
Ai theksoi se kjo parti tashmë nuk ndalet, ndërsa u shpreh se Bardhi dhe Alibeaj mund ta mbajnë vulën në xhep.
“Unë mendoj se nuk luajnë ndonjë përçarje në PD, pasi këta persona nuk kanë ndonjë rol në bazë. PD është unifikuar dhe këtë e tregoi edhe Kuvendi i fundit, por edhe ai i datës 11. Kjo do të duket më e qartë edhe më 22 maj kur ne të zgjedhim kryetarin. Megjithatë, PD-së i duhen të gjithë, por treni nuk mund të ndalet, pasi shumë shpejt do të shkojmë në zgjedhje.
Kjo e Kuvendit është PD-ja nuk ka dy parti, kjo është një tren që ecën para me dyert hapur. Në të kundërt, ne i dorëzojmë Ramës edhe zgjedhjet që po vijnë. Bardhi të mbajë vulën në xhep e të rrijë me Alibeajn”, tha Shehu.
