Aleanca për Ardhmërinë e Kosovës ka komentuar takimin e pritshëm të kryeministrit të Kosovës Albin Kurtin në Berlin me kancelarin gjerman Olaf Scholz që pritet të mbahet pasdite
Besnik Tahiri, shef i grupit parlamentar të AAK-së, ka thënë se qëndrimi i AAK është i qartë përsa i përket një marrëveshjeje ndërmjet Kosovës dhe Serbisë.
Ai këtu nuk ka lënë pa kritikuar kryeministri Kurti për dialogun me Serbinë.
“Dialogun prej pikës së shtatë e ktheu në pikën e parë që tregon për mos qëndrueshmërinë e tij politike. Qëndrimi i AAK-së është shumë i thjesht dhe i qartë – marrëveshje finale ligjërisht e pranuar në mes dy shteteve është zgjidhja e vetme, sa më shpejt dhe sa më parë”, ka thënë Tahiri.
Sipas tij, pa Shtetet e Bashkuara të Amerikës, vështirë se mund të arrihet një marrëveshje finale Kosovë-Serbi.
“Mbi të gjitha, lidershipi amerikan është jashtëzakonisht i nevojshëm në dialogun e lehtësuar nga Bashkimi Evropian, pa SHAB s’ka marrëveshje”, tha ai.
