Pas mbledhjes së Kryesisë, Edi Rama ka bërë një prononcim për mediat për të zbuluar se çfarë është diskutuar në mbledhje.
Ai ka thënë se do të ishte i gatshëm që të ulej në një tavolinë me opozitën dhe të pranonte propozimet e tyre.
” Ne nuk jemi ulur në tryezë me paragjykime. Nuk do paragjykojmë nga vijnë këto propozime. Janë përballë nesh në arenën politike, ndërkohë që në këtë çështje jemi në një tryezë. Nëse do vijë një kandidaturë e pëlqyeshme, do kenë 100% dakordsinë tonë. Nëse nuk na pëlqejnë, do propozojnë kandidaturën tonë. Nëse do u pëlqejë propozimi ynë, do kemi mbështetjen e tyre. Në këtë çështje jemi në tryezë. Në fund fare, falë ndryshimeve Kushtetuese të 2008-ës, dhe që po provohen më të vlefshme për ecurinë e vendit, janë 71 votat në parlament dhe Shqipëria do të ketë një President normal,” është shprehur ai.
