Gjykata e Kavajës ka vendosur që të pranojë kërkesën e prokurorisë duke lënë në burg pa afat tre efektivët e policisë që u arrestuan pas vetëvrasjes së të riut brenda komisariatit.
Bexhet Berberi, me detyrë inspektor, Rushit Kola, me detyrë gjithashtu inspektor dhe Petrit Brahimaj, me detyrë nën komisar janë lënë në burg.
Berberi dhe Kola kanë qenë policë roje tek dhoma e paraburgimit. Policia deklaroi se Ilvi Meta 31-vjeç u vetvar në qeli, por familja akuzon efektivët se e dhunuan dhe u ngeli në dorë pas arrestimit për vjedhje.
