Një çift bashkëjetuesish janë vënë në prangat e Policisë së Tiranës pasi shfrytëzonin për prostitucion një 21-vjeçare në një qendër masazhesh. Ky biznes ndodhej në rrugën “Shyqyri Bërxolli” dhe ishte e regjistruar ligjërisht si qendër masazhesh.
Të arrestuarit F.D. 39 vjeç dhe M.E. 33 vjeçe akuzohen për shfrytëzim prostitucioni dhe mbajtje e lokaleve për prostitucion.
Ata shfrytëzonin për prostitucion një vajzë 21-vjeçare me iniciale I.A., e cila u procedua penalisht në gjendje të lirë për prostitucion.
Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.
