Arjan Konomi vijon që të jetë në gjendje të rëndë për jetën pasi u përplas ditën e diel nga Ajas Sulejmanin taksa po kalonte në vijat e bardha së bashku me bashkëshorten e tij Vilma Konomin dhe vajzën e tyre 3-muajshe.
Arjan Konomi, drejtor i Sportit në Ministrinë e Arsimit vijon që të jetë në kujdes intensiv. Çifti që u aksidentua nga Ajas Sulejmani janë bërë prindër pas 20 vitesh.
Ajas Sulejmani rezultoi se ishte përdorues i dy lëndëve narkotike, të kanabisit dhe drogës sintetike metamfetaminë. Por ai pretendon se lënda narkotike nuk është shkaku dhe se ai ka qenë duke lëvizur me rreth 40 kilometër në orë.
“Para semaforit frenova, por makina nuk ndali dhe nuk munda ta evitoja. Më pas ika të lija vajzën në spital dhe nuk u largova nga vendi i ngjarjes.
Kalova në anën tjetër të rrugës së Kavajës, mora një njeriun tim me makinë që të më çonte me vajzën në spital” deklaroi ai. Sot Sulejmani do të dalë para gjykatës.
