Ministrja e Arsimit Evis Kushi ka njoftuar se mësimi do të nisë më 12 shtator.
Ministrja përmes një postimi në Facebook, bën të ditur se kanë nënshkruar strukturën e vitit të ri shkollor për të gjithë arsimin parauniversitar.
“Të dashur nxënës dhe mësues,
Ju njoftoj se sapo nënshkruam strukturën e vitit të ri shkollor 2022-2023 për të gjithë arsimin parauniversitar, i cili fillon më datë 12 shtator 2022.
Për nxënësit dhe mësuesit e arsimit 9-vjeçar lajmi i mirë është se vitin e ardhshëm do të kenë edhe një javë më shumë pushim pas periudhës së dytë mësimore, nga data 3-9 prill 2023.
Në këto ditë nxënësit do të pushojnë por edhe luajnë dhe argëtohen për të marrë energji të reja për periudhën e fundit, ndërsa mësuesit do të kenë më shumë kohë për vlerësimet e nxënësve dhe përgatitjet në vijim.
Suksese të gjithëve!”, shkruan ministrja Kushi.
