Nis reforma në ujësjellësa. Qeveria vendosi sot që të shkrijë 46 drejtori të menaxhimit të ujit të pijshëm dhe nga 61 në total do të ketë vetëm 15 në të gjithë vendin.
Lajmin e njoftoi ministrja e Infrastrukturës, Belinda Balluku. Gjithashtu ajo njoftoi se kaloi edhe marrëveshja e koncesionit, PPP për portin e Vlorës dhe dy vendime të tjera.
“Miratuam marrëveshjen e huasë për kaskadën e Drinit. Gjithashtu miratuam shtimin e huasë për segmentin Qukës-Qafë Pllocë për të nisur me pesë ura, skarpatat dhe rrugët e aksesit, por edhe kompelentimin e tuneleve.
Miratuam kontratën me PPP për portin, Triport Vlorë. Ky është një projekt që e kemi thënë më parë. Triporti do të jetë porti më i ri modern, do të jetë i integruar. Sot ka vetëm peshkimin, por në të ardhmen do të ketë të gjitha shërbimet komerciale” tha ajo.
