Grupi parlamentar paraqiti një rezolutë për miratim në Kuvend ku të dënohej gjenocidi serb në Bosnje. Pas fjalës së Sali Berishës, ka reaguar Taulant Balla, kreu i grupit parlamentar socialist, akuzoi Sali Berishën se ka pasur një rol të rëndësishëm në këtë gjenocid. Ai theksoi se Berisha ka furnizuar Serbinë me naftë.
“Shqipëria e ka dënuar e dënon dhe do ta dënojë përjetësisht tragjedinë e Bosnjës dhe ka mbështetur dhe përshëndetur të gjitha dënimet shembullore të Gjykatës së Hagës përkundrejt të gjithë urdhëruesve dhe organizatorëve të kësaj tragjedie.
Dje i kam thënë zotit Shehu se me këtë përfaqësuesin e botës së përtejme që sapo foli, kjo që sapo dëgjuat dhe shumë fjalime të tjera, duken si turpërim dhe në fakt është e pakuptueshme, që një njeri që i vetmi në sallë që kanë përgjegjësi direkte të turpit që ka marrë Shqipëria në atë kohë. Sot erdhe si cjapi te kasapi. Kisha kohë që të prisja t’i thosha dy fjalë. Gjenocidi serb në Srebrenicë është ushqyer me naftën tënde Sali”, akuzoi Taulant Balla.
