Ditën e hënë në orën 17:00 Kuvendi i Shqipërisë do të mblidhet për të zhvilluar seancën e parë për Presidentin e ri.
Por kur duhen edhe katër ditë nga raundi i parë, ende nuk ka asnjë emër nga asnjëra palë. Opozita kërkon që ta ketë ajo të drejtën për të propozuar emrin, por shumica e ka refuzuar.
Nesër do të zhvillohet raundi i ri i negociatave. Kreu i grupit të PS-së, Taulant Balla do të takojë nesër kryetarët e grupeve Mesila Dodën në 09:00 dhe një orë më pas Fatmir me Mediun.
Nga PD është Enkelejd Alibeaj si kryetar grupi, por Sali Berisha nuk e njeh dhe ka caktuar si negociator Luçiano Boçin dhe Oerd Bylykbashin, që PS nuk i njeh.
