Ish-deputeti i PS, Alqi Bllako sot kërkon lirinë nga qelia. Kërkesa është depozituar pak ditë më parë dhe sot do të flasë gjykata e Apelit.
Në kërkesën e tij, ish-deputeti pretendon se nuk ka prova, për fajësinë e tij, po ashtu ai nuk është i rrezikshëm dhe nuk i shmanget hetimit nga SPAK.
Bllako u arrestua dhe është lënë në qeli pasi dyshohet se ka përfituar rreth 15 milionë Lekë për shkelje në procedurën e dhënies së koncesionit për ndërtimin e inceneratorit të Fierit.
