Deputetja e PS, Blerina Gjylameti, e ftuar në “5 Pyetjet nga Babaramo” komentoi edhe rrëzimin e rezolutës në Kuvend e cila dënonte gjenocidin në Srebrenicë, që u propozua nga grupi i PD.
Gjylameti u shpreh se rezoluta kishte probleme, ndërsa theksoi se u propozua nga persona që kanë ndihmuar në këtë gjenocid.
“Qëndrimi zyrtar i PS ka qenë ai që ka qenë një qëndrim zyrtar edhe në OKB. Rezoluta është propozuar nga një person që ka thyer embargon, ka ndihmuar nga gjenocidet që kanë ndodhur në Kosovë dhe në Bosnjë. Rezoluta kishte problematika për fqinjësinë e mirë, për marrëdhënien mes shteteve. Nuk mund të propozohej nga persona që kanë ndihmuar të ndodhin ato gjenocide.
Berisha ka tentuar për kapital politik të luajë me ndjesinë kombëtare, këtë e ka bërë rregullisht. Nuk mund të kthejmë në disavantazh të Shqipërisë atë që u bë në parlament”, tha Gjylameti.
