Personi i dyshuar se vrau dhjetë persona në një supermarket në Buffalo, New York, sipas autoriteteve kërkoi qëllimisht një vend me një popullsi të madhe me ngjyrë.
Sipas Policisë, i dyshuari, Payton Gendron, 18 vjeç, voziti më shumë se 320 km (200 milje) për të kryer sulmin.
Ndërkohë sulmi po hetohet si një akt i ekstremizmit të dhunshëm me motive racore.
Kryebashkiaku i Buffalo-s, Byron Brown, tha se i dyshuari mbërriti me qëllim që të merrte “sa më shumë jetë njerëzish me ngjyrë”.
Një dokument prej 180 faqe – i autorizuar nga Gendron – ka dalë në skenë. Aty ai e përshkruan veten si një fashist dhe një supremacist i bardhë.
Po bëhen pyetje se si ai ka mundur të kryejë sulmin kur shqetësimet ishin ngritur.
Joseph Gramaglia, shefi i policisë së Buffal-so, të dielën u tha gazetarëve se Gendron kishte bërë “kërcënime të gjeneralizuara”, ndërsa ishte në shkollë të mesme. Ai kaloi një ditë e gjysmë në spital, duke iu nënshtruar një vlerësimi të shëndetit mendor, por më pas u lirua.
Ai nuk duket se ka mbetur nën vëzhgim nga autoritetet.
Agjenti special i Byrosë Federale të Hetimeve (FBI), Steven Belongia, për “New York Times” tha se as policia e shtetit dhe as FBI-ja nuk kishin ndonjë inteligjencë për Gendron.
