Inspektorati Shtetëror i Mbikëqyrjes së Tregut (ISHMT) ka reaguar lidhur me ngjarjen e ndodhur në QSUT, ku si pasojë e një problemi në funksionimin e ashensorit janë plagosur dy persona, infermieri dhe një paciente. “Ashensori nuk ishte i regjistruar pavarësisht se ishin bërë ekzaminime” thuhet në njoftim.
Skandali është i përmasave të mëdha, pasi firma “Sulollari Klima” fitoi tenderin 14 milionë lekë (të rinj) me TVSH dhe s’e vrau mendjen për jetën e pacientëve, mjekëve dhe qytetarëve në QSUT.
Kompania që duhej jo vetëm të mirëmbante ashensorët në Qendrën Spitalore Universitare, por edhe të sigurohej që të ishin të sigurt për njerëzit, nuk e kishte regjistruar ashensorin pranë Inspektoratit Shtetëror të Mbikëqyrjes së Tregut.
