Policia e Durrësit ka dhënë detaje në lidhje me atentatin e ndodhur mbrëmjen e së mërkurës në Sukth.
Mësohet se ngjarja e rëndë ka ndodhur në qendër të Sukthit, ku një shtetas ende i paidentifikuar ka qëlluar me armë zjarri automatik, në drejtim të dyqanit të shtetasit Arben Mërkuri, 48 vjeç.
Për pasojë shtetasi Arben Mërkuri (Ismaili) u plagos në gjendje të rëndë dhe si pasojë e plagëve të marra ndërroi jetë në spital. Mërkuri është një person me precedentë të mëparshëm kriminalë në fushën e narkotikëve.
Shërbimet e Policisë kanë rrethuar zonën dhe vijon krehja e saj, për te bërë të mundur kapjen e autorit.
Grupi hetimor, nën drejtimin e Prokurorisë, ndodhet në vendngjarje dhe po punon për fiksimin e çdo prove të vlefshme që do t’i shërbejë hetimit, me qëllim identifikimin dhe kapjen e autorit.
