Gjykata lë në burg 18 të arrestuarit nga operacioni i SPAK, “Plumbi i artë”. Ndërkohë, mësohet se seanca është shoqëruar edhe me tensione.
I arrestuari Besian Xhixha ka shpërthyer ndaj Nuredin Dumanit. Megjithëse Dumani, nuk ishte i shoqëruar bashkë me të pandehurit e tjerë, pasi masa e sigurisë iu komunikua që prej orëve të para të mëngjesit të së shtunës në ambientet e spitalit, Besian Xhixha ka kërkuar ballafaqim me të. Ai ka theksuar se Dumani nuk po thotë të vërtetën. Në deklarimin e tij përballë togave të zeza, mësohet se Xhixha ka thënë se Nuredin Dumani pas çdo vrasje u jepte siguri se nuk do t’i ndodhte asgjë, pasi kishte lidhje me ministra, deputetë, prokurorë, madje duke theksuar edhe emra hetuesish, duke shtuar se në një moment të dytë do të flasë edhe me emra.
1. Nuredin Dumani, 35 vjeç
2. Henrik Hoxhaj, 40 vjeç
3. Altin Ndoci, 35 vjeç
4. Erion (Andrea) Alibej, 36 vjeç
5. Skerdi Tasi, 31 vjeç
6. Elvis Koçi (Çaushllari), 30 vjeç
7. Ilirian Feci, 47 vjeç
8. Enver Diva, 43 vjeç
9. Besjan Xhixha, 31 vjeç
10. Ardjan Uzuni, 56 vjeç
11. Leonard Palushi, 41 vjeç
12. Gentian Sharra, 48 vjeç
13. Fatos Gosa, 54 vjeç
14. Florenc Çekrezi, 35 vjeç
15. Petrit Qoli, 51 vjeç
16. Agron Qoli, 52 vjeç
17. Agron Qafa, 48 vjeç
18. Asllan Plaku, 30 vjeç
