Shefi i sektorit të vrasjeve në qarkun e Lezhës Leonard Palushi pas arrestimit për operacionin “plumbi i artë” ka mohuar akuzat, madje ka theksuar se jo vetëm që ka bërë detyrën, por më shumë sesa duhet.
“Nuk kam asnjë lidhje me akuzat që janë ngritur. Unë kam bërë vetëm detyrën, ndoshta kam bërë më shumë se duhet. Më lironi se kam fëmijët e vegjël” tha ai.
Palushi akuzohet orientim të gabuar të hetimit duke shpërdoruar detyrën lidhur me vrasjen e Emiljano Ramazanit.
Ai dyshohet se i shiste informacion dhe ndihmonte Erion Alibejn gjatë kohës që ishte në Elbasan.
Avokati ka kërkuar që të merret në mbrojtje familja e policit pasi ndihet e rrezikuar.
