Dhjetëra mijëra njerëz janë mbledhur në qytetin më të madh të Turqisë, Stamboll, në mbështetje të figurës kryesore të opozitës, Canan Kaftancioglu.
Kaftancioglu, e cila kryeson degën laike të Partisë Republikane Popullore (CHP) në Stamboll, buzëqeshi dhe i bëri me dorë turmave brohoritëse.
Ajo ka marrë një dënim penal për fyerje të presidentit Recep Tayyip Erdogan dhe shtetit turk.
50-vjeçarja tashmë përballet me një dënim me kusht.
Disa nga akuzat lidhen me mesazhet e publikuara në Twitter 10 vjet më parë.
Kaftancioglu ka thënë vazhdimisht se akuzat janë të motivuara politikisht.
Ajo u përfshi në triumfin e CHP-së në zgjedhjet për kryebashkiak të Stambollit në vitin 2019, duke mundur partinë qeverisëse AK të Presidentit Erdogan.
Presidenti Erdogan është përballur me akuza nga Perëndimi dhe grupet e të drejtave të njeriut për goditjen e tij ndaj gjyqësorit dhe organeve të tjera shtetërore pas një grushti të dështuar në vitin 2016.
Në vitin 2019, Kaftancioglu u dënua me nëntë vjet, tetë muaj e 20 ditë burg.
Pas një apeli afati u reduktua në pak më pak se pesë vjet.
Sipas ligjit turk, dënimet nën pesë vjet zakonisht pezullohen.
Kaftancioglu u akuzua për “fyerje” të presidentit Erdogan dhe shtetit turk në poste, si dhe “përhapje propagande terrori”.
Akuzat lidhen me protestat antiqeveritare të vitit 2013 dhe Partinë e jashtëligjshme të Punëtorëve të Kurdistanit (PKK).
