Ish-lideri i PD-së, Sali Berisha pasi ka votuar në garën për kreun e partisë ka dhënë edhe një prononcim për mediat.
Berisha është shprehur se paralelisht me zgjedhjet në PD, po zhvillohet dhe procesi i zgjedhjeve të Presidentit, ku sipas tij është një proces i kapur nga krimi dhe mafia.
“Theksova se ky është një proces historik jo vetëm për demokratët por për gjithë shqiptarë, ky proces nuk vetëm finalizon vullneti e anëtareve të kësaj partie, por të të gjithë qytetareve shqiptarë. Procesi zhvillohet paralelisht me një proces mafioz antikushtetues si ai i zgjedhjes së Presidentit. Është mafioz sepse bazohet mbi grabitjen dhe dhunim masiv të votës së shqiptarëve,” ka thënë ai teksa ka shtuar se nëse do të jetë në krye të PD-së, nuk do të ketë asnjë vendim nga Apeli që mund ta ndal.
