Kreu i Partisë Republikane Fatmir Mediu, gjatë fjalës së tij në Konferencën e Kryetarëve, u shpreh se opozita duhet të paraqesë një emër për president në raundin e 3.
Ai theksoi se nuk ka më kohë për të paraqitur 20 kandidatura, por është koha të vendoset për 1 emër.
“Është e pafalshme që Shqipërisë ti humbas solemniteti, nga shumica e nevojshme me diskutime që janë të pafrytshme. Besoj të dyja palët jemi në përgjegjësinë tonë kushtetuese për të ofruar konsensus. Nuk kemi më kohë për 20 kandidatura por opozita duhet të paraqesë një emër në një proces proces serioz, i cili i shërben këtij debati. Nëse nisemi për të gjetur një kompromis është e rëndësishme të respektojmë njeri tjetrin.Duhet të çojmë një kandidaturë në procesin e tretë.Ne kemi një element shtesë që ka te bëjë me marrëdhënien tonë”, u shpreh Mediu.
