Mbyllet gjithçka. Roma është fituese e edicionit të parë të Conference League. Finalja e madhe u zhvillua në Tiranë. Roma arriti që të mposhte Fejnordin 1-0 me një gol të shënuar nga Zaniolo në minutën e 32-të të pjesës së parë.
Holandezët tentuan në pjesën e dytë në të gjitha mënyrat për të barazuar, por heroi i Romës është Patricio që nuk lejoi prekjen e rrjetës. Vërshëllima e fundit e arbitrit solli shpërthimin e festës nga Murinjo dhe tifozët në stadium dhe rrugët e Tiranës.
Tani fjalën e kanë tifozët nga Holanda që urojmë të mos ketë dhunë si mbrëmjen e djeshme. Ky është trofeu i parë që Murinjo i jep Romës.
Portugezi nuk ka humbur asnjë finale dhe ky është një tjetër trofe i rëndësishëm europian pas Europa dhe Champions League. Festa është e Romës…