Tifozët e Fejnordit u larguan të zhgënjyer dhe kokulur nga Tirana pasi dolën duarbosh përballë Romës që i mundi në finale me rezultatin 1-0 me një gol të Zaniolos të shënuar në pjesën e parë.
Ndryshe nga nata e parë që ishte e dhunshme, mbrëmë gjithçka shkoi qetë përveç një të shoqëruari që tentoi të shfrynte duke shkatërruar karriget në pedonale.
Në të gdhirë, tifozët holandezë janë larguar të qetë nga Tirana, ndërsa më pas punonjësit kanë nisur operacionin e pastrimit për të larguar kanoçet dhe sendet e tjera që lanë pas huliganët e natës së parë që u zbutën pas humbjes.
