Pesë fëmijë janë djegur mëngjesin e sotëm në një kopsht në Bergamo gjatë provës së një shfaqjeje.
Njëra prej tyre, një vajzë 4-vjeçare, ndodhet në gjendje të rëndë dhe u dërgua me helikopter të shpëtimit në spitalin drejt Miloano, po ashtu dhe një djalë po në të njëjtën moshë. Ndërkohë mësohet se 3 të tjerë kanë marr plagë më të lehta dhe janë shtraur në spital në Bergamo. Mendohet se fëmijët po ngrohnin marshmallows, kur një bombol gazi shpërtheu.
Në vendngjarje kanë ndërhyrë pesë ambulanca dhe zjarrfikëse, si dhe dy helikopterë për shpëtimin nga Brescia dhe Bergamo. Të pranishëm ishin edhe policia lokale dhe karabinierët e Dalmine dhe Treviglio.
