Policia Rrugore gjatë një jave ka kryer kontrolle të vazhdueshme me radar dhe dragera me qëllim ndëshkimin e të gjithë shoferëve që shkelin rregullat e qarkullimit rrugor dhe parandalimin e aksidenteve.
Në një javë, në Vlorë janë pezulluar 22 leje drejtimi, prej të cilave 19 për qarkullimin me shpejtësi mbi normën e lejuar dhe 1 për drejtimin e automjeti nën ndikimin e alkoolit dhe 2 për shkelje të ndryshme të Kodit Rrugor.
Gjithashtu janë vendosur 1245 gjoba, përkatësisht
-197 masa për tejkalim shpejtësie
– 107 masa për mosvendosjen e rripit të sigurimit
– 73 masa për mosvendosjen e kaskës mbrojtëse
– 14 masa për përdorimin e aparatit celular
– 77 masa për parakalime të gabuara
– 237 masa për ndalim/pushim të mjetit në kundërshtim me sinjalizimin rrugor dhe rregullat e qarkullimit
– 4 masa për mungesë të siguracionit të mjetit
– 536 masa për shkelje të rregullave të tjera të Kodit Rrugor.
