Drejtori i Urbanistikës në Bashkinë e Sarandës, Pandi Zhonga është arrestuar këtë të mërkurë nga policia.
Në pranga ka rënë edhe juristja e Agjencisë Shtetërore e Kadastrës, Rovena Alikaj dhe noteri Aleko Anagnosti.
Dyshohet se ata kanë kryer tjetërsimin e një sipërfaqeje prej 10 mijë metra katror tokë, e cila më parë shërbente si lulishte, duke e ndarë tek persona të tjerë, të cilët më pas kanë ndërtuar.
Por përmes falsifikimit të dokumentave, miratimit të lejeve të ndërtimit nga bashkia Sarandë dhe hipotekimit më pas në zyrës e ASHK-së Sarandë, kjo tokë prej 10 mijë metra katror, është tjetërsuar tashmë tek persona të tretë.
