Kryetari i PD-së, Sali Berisha zhvilloi sot një takim me biznesin e vogël. Pasi dëgjoi shqetësimet e tyre, Sali Berisha u premtoi se do të jetë biznesi i vogël që do të hartojë programin dhe paketën fiskale të qeverisë së ardhshme për këtë kategori.
“Kjo qeveri është njëlloj si hajduti që të futet natën në shtëpi për të vjedhur. Edhe këta janë sulur si lukuni. Këta u vendosin në krye një “Sude” apo “Xhaferr” që ndërtonte piramida me paratë tuaja. Njerëz dhe zyrtarë të cilët, pavarësisht nëse kanë apo jo shkolla, në të gjitha praktikat e tyre nuk mendojnë gjë tjetër veçse si t’ju grabitin ju.
Ata janë një me oligarkët dhe gjithë interesat e tyre bien mbi ju. Ju garantoj se programin e qeverisë së ardhshme do ta hartoni ju dhe jo specialistët tanë. Paketën fiskale të biznesit të vogël do ta hartoni ju” tha Berisha.
