Sot gjykata e Tiranës ka vendosur që të lirojë dy të rinjtë holandezë të arrestuar për plagosje me dashje një ditë para finales së Conference League në Tiranë.
Gjykata i la në detyrim paraqitje, por nuk dihet si do të vazhdojë procedura pasi tifozët do të largohen nga vendi ynë.
Ata u përfshinë në një sherr masiv në zonën e 9-katsheve në kryeqytet ku mbeti i plagosur një qytetar shqiptar 45 vjeç që përfundoi në spital me plagë në kokë pas goditjeve me karrige dhe sende të tjera të forta.
