Moti i keq i kësaj të enjte ka shënuar një viktimë në Malësi të Madhe.
51-vjeçari Arben Ivanajt në fshatin Dedaj të Shkrelit në Malësinë e Madhe ka ndërruar jetë, pasi banesa u përfshi nga flakët, si pasojë e goditjes nga rrufeja.
Zjarri më pas është përhapur me shpejtësi në banesë dhe për pasojë ai ka humbur jetën, cili si pasoje e plagëve te marra nga zjarri, ka ndërruar jetë në spital.
Viktima po qëndronte në banesën e komshiut të tij. Grupi hetimor i policisë është nisur drejt vendit të ngjarjes për të hetuar në lidhje me ngjarjen e rëndë.
Njoftimi i policisë
‘Më datë 09.06.2022, në orën 13:15, në fshatin Dedaj, Malësi e Madhe, dyshohet se për shkak të goditjes së rrufesë është krijuar shkëndijë elektrike në banesën e shtetasit P. Ç. 63 vjeç.
Për pasojë është djegur pjesërisht banesa, si dhe ka pësuar djegie në trup, shtetasi A. I., 51 vjeç, banues në fshatin Dedaj, Malësi e Madhe, që po qëndronte në këtë banesë, i cili ka ndërruar jetë në Spitalin Rajonal Shkodër.
Grupi hetimor po punon për sqarimin e rrethanave të ngjarje’.
