Kancelari gjerman, Olaf Scholz gjatë vizitës në Prishtinë deklaroi se do të rijetësojë Procesin e Berlinit, teksa paralelisht Shqipëria, Maqedonia dhe Serbia kanë ndërmarrë nismën e “Open Balkan”.
Scholz ka thënë se dëshiron që të promovojë procesin e anëtarësimit në BE të rajonit të Ballkanit Perëndimor dhe të mbështes bashkëpunimin rajonal, konkretisht Procesin e Berlinit.
“Dëshiroj ta rijetësoj procesin e Berlinit dhe në vjeshtë do u ftoj në Berlin, vendet e Ballkanit Perëndimor” tha ai.
Gjithashtu ai i bëri thirrje Serbisë që dialogu duhet të mbyllet me njohjen e pavarësisë së Kosovës, pasi “është e paimagjinueshme që dy vende të futen në BE dhe të mos njohin njëri tjetrin”.
Ai premtoi se do të vazhdojë që të lobojë për liberalizimin e vizave. “Kushtet janë plotësuar” tha Olaf Scholz.
