Të gjithë avokatët në Shqipëri janë në grevë nga dita e sotme deri të premten, pasi kundërshtojnë hartën e re gjyqësore, që miratoi KLGJ me propozimin e ministrisë së Drejtësisë.
Kreu i Dhomës së Avokatëve, Maks Haxhia kërkoi dje reflektimin e qeverisë, në të kundërt greva nuk do të ndalet duke bllokuar proceset gjyqësore.
Edhe PD ka dalë kundër hartës së re gjyqësore. Por qeveria nuk heq dorë. Ministri Ulsi Manja tha se dje harta e re është bazuar në standardet europiane.
Në kushtet që palët nuk tërhiqen dhe greva vazhdon, ata që po e pësojnë janë qytetarët, aq më tepër në të ardhmen, ku parashikohet që të ketë vetëm një gjykatë Apeli për të gjithë Shqipërinë që do të jetë në Tiranë.
Me reformën e re u shkrinë 14 gjykata, të shkallës së parë, Apeli dhe Administrative.
