Gjykata e Lezhës ditën e sotme ka dënuar 4 vite burg Erald Pajtanin i cili akuzohet se në bashkëpunim me një person tjetër në muajin nëntor të vitit 2020 i vendosën eksploziv një objekti në ndërtim në zonën e Ranës së Hedhur në Shëngjin.
Erald Pajtani u dënua për “Mbajtja pa leje dhe prodhim i armëve, armëve shpërthyese dhe municionit” si dhe “Shkatërrim i pronës me eksploziv”.
Gjyqtari Ilir Përdeda dha dënimin maksimal me 10 vite burg, por duke qenë se Pajtani përfiton nga gjykimi i shkurtuar uljen e 1/3 së dënimit, nga bashkimi i dënimeve do të vuajë vetëm 4 vite në qeli.
Objekti në ndërtim në pronësi të biznesmenit Liman Gjoka sulmua dy herë me lëndë plasëse, konkretisht në muajit nëntor dhe dhjetor të vitit 2020.
