Mediat peruane kanë publikuar fotot e dy bosëve shqiptarë të kokainës. Bëhet fjalë për Franc Malon dhe Gentjan Metën, të njohur me pseudonimet “Barbas” dhe “Pelado”.
Dy shqiptarët kishin hyrë legalisht në Peru duke u paraqitur si turistë përmes Ekuadorit, për të nisur negociatat për dërgesën e 2.2 tonë kokainë, që do të merrej me rrugë detare përmes portit të Callaos.
¡Los golpeamos! 👊
— Policía Nacional del Perú (@PoliciaPeru) June 11, 2022
Personal de la Dirección Antidrogas #PNP desarticuló una organización criminal internacional compuesta por peruanos y albaneses, quienes pretendían transportar alcaloide cocaína acondicionada en latas de espárragos que serían enviadas al país de #Holanda. pic.twitter.com/M1ROEbhMOw
Dy trafikantët shqiptarë janë kapur nga kamerat gjatë operacionit. Autoritetet peruane kanë edhe pamje të tjera dhe prova të lëvizjeve të dy shqiptarëve që i shpëtuan drejtësisë.
Policia e Perusë sekuestroi 2.2 ton kokainë që do të dërgohej nga deti në Holandë. Droga ishte fshehur në kanaçe asparagusi, ndërsa janë arrestuar shtatë peruanë dhe u lëshuan urdhër-arreste ndaj dy shqiptarëve.
