Kreu i PR-së Fatmir Mediu, anëtar i Komisionit të Posaçëm të Reformës Zgjedhore ka propozuar sistemin proporcional kombëtar me lista të hapura.
“Ajo që u mungon këtij parlamenti është Kushtetueshmëria, është një parlament i emëruar jo i zgjedhur. E dyta garantimi i zgjedhjeve të lira dhe të ndershme, është respektimi i tyre dhe e dimë kush janë problemet e tyre. Të shmangim që ligjin për zgjedhjet ta bëjnë grupet kriminale dhe paratë e krimit. Sistemi zgjedhor është vrastar, po eliminon pluralizmin. Sistemi me lista të hapura u jep mundësi subjektit të konkurrojë me atë që ka. Votimi të diasporës, nuk është thjesht te kenë mundësi te votojnë po të përfaqësohen në Kuvendin e Shqipërisë. Si pjesë e padiskutueshme e shoqërisë shqiptare. Është pa sens që ne të përfaqësohemi grupime dhe të mos kemi mbështetjen teknike. Meqë e bëme me 19 veta këtë komision, mund të ishte më i reduktuar. Duhet të kemi më tepër debat teknik”, ka thënë ai.
