Policia e Shtetit ka arrestuar një 40-vjeçar i cili po hynte në territorin shqiptar në pikën kufitare të Kapshticës.
Ai ishte i dënuar me një vit burg për dhunë në familje ndaj djalit të tij të mitur.
“Shërbimet e Stacionit të Policisë Kufitare në Kapshticë, në hyrje të Republikës së Shqipërisë, bënë ndalimin e shtetasit në kërkim B. K., 40 vjeç, banues në Durrës, pasi Gjykata e Rrethit Gjyqësor Durrës, me vendimin e datës 09.10.2019, e ka dënuar me 1 vit burg, për veprat penale “Dhuna në familje” dhe “Keqtrajtimi i të miturit”. Veprimet e mëtejshme procedurale do të kryen nga Drejtoria Vendore e Policisë Durrës”, njofton Policia.
