Garazhi i një pallati është përfshirë nga flakët në orët e para të ditës së sotme në Tiranë. Ngjarja ka ndodhur në Unazë të Re, në rrugën “Aleksandri i Maqedonisë”. Si pasojë e tymit dhe flakëve banorët e pallatit janë evakuuar. Tetë prej tyre përfunduan në spital.
“Si pasojë e zjarrit, janë dëmtuar lehtë dhe kanë shkuar për mjekim në spital shtetasit A. Xh., 28 vjeçe, F. J., 23 vjeçe, D. J., 27 vjeçe, I. Xh., 31 vjeçe, E. Xh., 27 vjeç, E. K., 35 vjeçe, M. B., 48 vjeçe dhe N. B., 50 vjeç, të cilët pasi kanë marrë ndihmën e parë mjekësore, janë larguar” deklaron policia.
Si pasojë e zjarrit janë djegur katër makina. Ende nuk dihet nëse zjarri ka qenë aksidental apo i qëllimshëm. Grupi hetimor po punon për sqarimin e rrethanave të ngjarjes.
