Sezoni turistik e ka çuar euron në pikiatë. Sot euro preku një minimum të ri historik, duke arritur nivelin e 119.54 Lekëve. Kjo rënie po nxitet kryesisht nga elementi sezonal, që lidhet me prurjet nga turizmi.
Sipas të dhënave nga Banka e Shqipërisë, deficiti i llogarisë korrente për tre muajt e parë të vitit kishte vlerën e 233 milionë eurove, vlerë kjo 57% më e ulët krahasuar me tremujorin e fundit 2021 dhe 22% më e ulët krahasuar me të njëjtën periudhë të vitit të kaluar.
Nga ana tjetër, efekti i rritjes së çmimeve në bilancin tregtar të vendit këtë vit po rezulton më i kufizuar krahasuar me tremujorin e fundit të vitit të kaluar.