Fatos Hasku është ish-efektivi i policisë së shtetit që u arrestua me 24 kg heroinë me vlerë 1 mln euro në Itali.
Në 2017 Hasku ishte dyshuar për trafik droge dhe në muajin, pra pak javë më parë ishte larguar nga detyra.
Droga u sekuestrua në Ankona, ku u arrestua 50-vjeçari shqiptar si transportues i lëndës narkotike.
I arrestuari ishte nisur nga Porti i Durrësit me destinacion Italinë. 50-vjeçari udhëtonte me një makinë Mercedes dhe droga ishte fshehur në sediljet e pasme të automjetit.
Nga kontrollet e autoriteteve italiane u gjetën dhe sekuestruan 24 kg heroinë e ndarë në 43 pako, që nëse hidhej në treg do të kapte një vlerë rreth 1 milion Euro.
Prokurorja italiane dyshon se i arrestuari është vetëm një korrier i kësaj sasie të konsiderueshme heroine.