Kryeministri Edi Rama gjatë Forumit Europian “Wachau” me temë “Ruajtja e së ardhmes së Europës dhe zgjerimi i BE” që u zhvillua në Austri u foli të pranishmëve për Ballkanin, grindjet mes vendeve edhe për hiçgjë, por edhe për integrimin në BE.
“Kush është kush në Ballkan. Ne kemi gjithnjë në mendje se jemi më të vjetrit. Ne shqiptarët. Ata që erdhën pas majmunëve nga evolucioni i Darvinit. Po të pyesësh serbët nuk të lënë hapësirë.
Lermëni grekët, që edhe mund të pretendojnë se edhe vetë majmunët erdhën pas grekëve. Le të shkojmë te turqit, ata mund të nisin një zënkë të madhe edhe për kafen, nëse është turke apo greke.
Një kafe mjaft e fortë që është më mirë të mos e përdorni. Maqedonasit me bullgarët, e njëjta gjë. Keni durim me ne të dashur miq.
Pavarësisht të gjitha problemeve tona, jemi të gjithë viktima të historisë sonë, por jemi njerëz të mirë dhe besnikë, por edhe të çmendur.
Prandaj më mirë të na keni me vete dhe pastaj merrni më të mirën nga ne, dhe mund ta përdorni çmendurinë tonë për t’u marrë me të tjerët” tha ai.
